Соңғы қоңырау мерекесі және аттестатты салтанатты тапсыру іс-шарасы

Төле би атындағы №8 гимназиясында 2020 жылдың 3-4 маусымында бітіруші түлектерге арналған соңғы қоңырау мерекесі және аттестатты салтанатты тапсыру іс-шарасы өтті. 2019-2020 оқу жылын  2234 білім алушымен бастап,  2221 білім алушымен аяқтадық. Оның 753-і гимназияны үздіктер, 1055-і екпінділер қатарында бітірді. Гимназияның білім сапасы 81,4 пайызды құрады. 

      Гимназиядан 92 түлек түлеп ұшса, оның 2-уі «Алтын белгі» белгісіне, 1-уі Үздік аттестатқа ие болды. 1 түлек Назарбаев Университетінің, 1 түлек Тараз мемлекеттік педагогикалық университетінің оқу гранттарын иеленді. 8 түлек шетелдік жоғары оқу орындарының гранттарына қол жеткізді. Қалған түлектер ҰБТ-ға қатысып, бақтарын сынайтын болады. Түлектерге сәт сапар тілейміз!!!