ҰБТ: көкейдегі сұрақ

Осы жазбада мектеп пен колледж түлектерін екі айдай мазалап жүрген 2 сұрағына жауап беретін боламыз:

1. ҰБТ (маусым) рұқсатнамалары қашан дайын болады?

2. Наурыз айындағы ҰБТ қашан өткізіледі?

Біріншісі. Үйреншікті жыл сайынғы орындарға отырғызу және тестіленушілерді аудиторияларға реттеу осы жылы кешіктірілуінің себебі пандемия болып отыр. Бұл жүйе нақты қалай тежеліп отыр? Түсіндіреміз:

құзыретті органдармен барлық қауіпсіздік шаралары келісілуде;

5 кезеңді залалсыздандыру жұмыстары ұйымдастырылуда (тіпті қолдардың, аяқ киімдердің, киім-кешектің залалсыздануы мен бетперделердің берілуіне дейін);

ешбір жанасусыз дәліздерден аудиторияларға өту бойынша жұмыстар жүргізілуде;

тестіленушілердің арасындағы 2-метрлік ара-қашықтық ескерілуде;

балаларды тестілеуге апару жолдары жоспарлануда және т.б.

Тіпті ҰТО ұжымы күні-түні және демалыссыз жұмыс істегеннің өзінде әлемдік пандемия өз дегенін істетуде.